amalinks wokungena

Breaking News

I-Sadc Iyasolwa Ngokuhlangana Ingelanjongo Yokuhlafuna Udaba lweZimbabwe


SADC Anti-Sanctions Day - UK

Umanyano weSadc namuhla uzaqhuba umhlangano wawo weOrdinary Summit inengi lisithi kumele uphathe udaba lwamalungelo oluntu abikwa esephulwa nguhulumende weZimbabwe.

Umhlangano lo uzakwenziwa abakhokheli bamazwe akulumanyano besemazweni abo ngamunye bexhunyaniswa ngumabonakude kuphela ngenxa yomkhuhlane weCovid-19.

UMongameli Emmerson Mnangagwa, ongumkhokheli weSadc Troika uzakwehla kulesisikhundla ededela uMongameli wakweleBotswana uMnu Mogkwetsi Masisi.

Lanxa inengi lisithi umhlangano lo kumele uphathe udaba lweZimbabwe njalo uchothoze uMnangagwa phezu kodaba lokuhlukuluzwa kwabantu mahlayana, umphathintambo obona ngobudlelwano beZimbabwe lamanye amazwe uMnu Sibusiso Moyo utshele iphephandaba leSunday Mail ukuthi udaba lweZimbabwe alusoze luhlafunwe kulumhlangano.

Le yinto esolwe kakhulu ngumsekeli wesikhulumeli sebandla leMDC Alliance uMnu Felix Magalela Mafa Sibanda.

please wait

No media source currently available

0:00 0:01:25 0:00

Khepha umqondisi obona ngokwethulwa kwemibiko kubandla leZanu PF uMnu Tafadzwa Mugwadi utshele lumsakazo ukuthi akula sizatho sokuthi iSadc ikhulume ngeZimbabwe.

please wait
Embed

No media source currently available

0:00 0:01:15 0:00

Ukuhlaziya loludaba sixoxe locubungula ezombusazwe uMnu Shephered Mpofu yena othi ikakhulu eleSouth Africa leleBotswana, kumele akhulume ngodaba lweZimbabwe ngoba indubo zalo zichithekela kuwo.

please wait

No media source currently available

0:00 0:02:36 0:00

Facebook Forum

XS
SM
MD
LG