amalinks wokungena

Breaking News

Uzulu Usola Umbiko kaMutsvangwa 'Ogcwele Inzondo,' Khepha Yena Uma Ngamazwi Akhe


Zimbabwe Information Minister Monica Mutsvangwa

Umphathintambo obona ngokwethulwa kwembiko uNkosikazi Monica Mutsvangwa uthi uma ngamazwi akhe okuthuka abafundisi beRoma, wona asolwa ngabanengi besithi alakho ukuphehla inzondano phakathi kwemihlobo yabantu elizweni.

UMutsvangwa wethule umbiko ngoMgqibelo esola iZimbabwe Catholic Bishops Conference ngokukhuluma phezu kokwephulwa kwamalungelo oluntu okubikwa kusenziwa nguhulumende esithi abafundisi laba balomoya omubi njalo basetshenziswa yizitha emizameni yokugenqula umbuso weZanu PF.

Abafundisi laba basole njalo uchuku abathi lwenziwa nguhulumende kaMongameli Emmerson Mnangagwa ebantwini besithi luhambelana lolwehlela abantu beMatabeleland labeMidlands ngesikhathi sombuqazwe weGukurahundi.

Ephendula kumbiko awethule emisakazweni kahulumende, uMutsvangwa ukhethe umholi wabafundisi laba uArchbishop Robert Ndlovu, oliNdebele esithi ngokuvusa iGukurahundi uzenza yena umkhokheli wamaNdebele azibona engcwele, wona athe malutshwana eZimbabwe.

Ngesingisi uMutsvangwa uthe “He (Archbishop Ndlovu) wants to posit as the leader of the rigtheous Ndebele minority by fanning the psychosis of tribal victimization.

Uphinde wafananisa uArchbishop Ndlovu loArchibishob Seromba yena athi wachothoza ukubulawa kwabantu kweleRwanda kumpi yemihlobo ngo1994.

Inhlanganiso ezigoqela iZimbabwe Lawyers for Human Rights, iZimbabwe Human Rights NGO Forum, iLaw Society of Zimbabwe kanye leZimbabwe Christian Alliance zethule imbiko yazo zisola uMutswangwa njalo zisekela uArchbishop Ndlovu leZimbabwe Catholics Bishop Conference.

Inengi lithi uMutsvangwa kumele axolise ngamazwi akhe njalo lithi uhulumende kumele atshiyane lokwephula amalungelo kazulu.

Kodwa Mutsvangwa utshele iStudio 7 ukuthi uma ngamazwi akhe njalo kasoze axolise.

Ebuzwa yilumsakazo ukuthi akakunanzelela na ukuthi umbiko wakhe usudale ukufuthelana, uMutsvangwa uthe amazwi akhe ajonge ukwakha hatshi ukwehlukanisa abantu.

Isiphathamandla senhlanganiso yokholo lwesiKhristu njalo ilwela amalungelo eyeHabakkuk Trust uMnu Dumisani Nkomo utshele Studio 7 ukuthi bayabasekela abafundisi beRoma ngoba kungumlandu wamaKhristu onke ukusola ububi.

please wait

No media source currently available

0:00 0:02:42 0:00

Amazwi kaNkomo agcizelelwe yingcwethi kwezombusazwe uMnu Effie Dlela Ncube yena othi amazwi kaNkosikazi Mutsvangwa ngawokwehlukanisa abantu njalo kumele asolwe nguzulu jikelele.

please wait

No media source currently available

0:00 0:02:44 0:00

Facebook Forum

XS
SM
MD
LG