amalinks wokungena

Breaking News

Kubhubhe Abathathu ngeCovid-19 eZimbabwe Izolo, Asebefile Bonke Sebengu-135


Coronavirus, Zimbabwe

Inani lasebebulewe ngumkhuhlane weCovid-19 eZimbabwe likhuphukile njalo izolo laya kukhulu elilamatshumi amathathu lanhlanu, 135, ngemva kokubhubha kwabantu abathathu.

Ugatsha olubona ngezempilakahle luthi oyedwa wabantu laba ngowakoBulawayo; omunye ngoweMashonaland East kuthi omunye njalo ngoweManicaland.

Ababanjwe lumkhuhlane izolo njalo bangamatshumi amane lasikhombisa, 47. Abahlanu babo bavele lawo kweleSouth Africa kuthi abanye bonke bawuthole eZimbabwe.

Inani lasebefunyenwe beleCoronavirus selokhu yaqhamukayo kuleli likhwele laya ku5308. Abafunyanwe sebesindile izolo njalo bangu1756.

Lokhu kukhuphule inani lasebesindile laya ku3848.

Inhlanganiso yeAfrica Centers for Disease Control and Prevention ithi umkhuhlane lo usubulele abantu abangu25,659 eAfrica yonke jikelele njalo wahlasela abangu1,1 million.

Emhlabeni jikelele usubulele abangu775,536 njalo wahlasela abantu21,9 million.

Facebook Forum

XS
SM
MD
LG