Inani lasebebulewe ngumkhuhlane weCovid-19 eZimbabwe selikhelile laya kukhulu lamatshumi amahlanu, 150, ngemva kokubhubha kwabantu abayisitshiyagalolunye izolo.
Ugatsha olubona ngezempilakahle luthi abayisithupha babantu laba ngabeHarare.
Oyedwa ngoweMashonaland West, omunye ngoweMashonaland Central kuthi omunye njalo ngoweMasvingo. Ngokwakuqala ukuthi kufe umuntu ngalumkhuhlane eMasvingo.
Ababanjwe umkhuhlane lo izolo bangamakhulu edlula amabili, 265. Lokhu kukhulune inani labantu asebefunyenwe beleCovid-19 eZimbabwe laya ku5643.
Asebesindile labo bakhwele ngamakhulu aphezu kwamathathu, 337, baya ku4442, okutsho ukuba abalokhe belawo lumkhuhlane bayinkulungwane eyodwa elamatshumi amahlanu lanye, 1051.
Inhlanganiso yeAfrica Centers for Disease Control and Prevention ithi ezwekazi leAfrica umkhuhlane lo usubulele abantu abedlula inkulungwane ezingamatshumi amabili, 26,329, njalo wahlasela abedlula isigidi, 1,137,941.