Ukubotshwa kukaMnu. Prince Dubeko Sibanda umgcinisihlalo webandla leMDC Alliance esigabeni seMatabeleland North sokubangele ukuthi abasola ukungabi lombuso okhululekile elizweni bathi lesi ngesinye njalo isibonelo.
USibanda wetheswa icala lokutshotshozela udlakela ngemva kokupha izisebenzi ako TM Hyper ezimbili ama mask alotshwe ukuthi ibandla leZanu PF kalisuke esikhundleni.
Umskelei kamgcinisihlalo webandla leMDC Alliance uMnu. Job Sikhala, umkhokheli webandla leTransform Zimbabwe, uMnu. Jacob Ngarivhume, intathelizindaba ezimeleyo, uMnu. Hopewell Chin’ono lokhansila weMDC Alliance owe Masvingo, uMnu. Godfrey Kurauone ngabanye ababotshwa besetheswa amacala angalasisindo sokuncitshwa isibambiso sebail.
Kodwa usibanda yena kavalelwanga estokisini kodwa kuthiwe uzakuya emthethwandaba mhlaka 17 ngenyanga ezayo.
Sixoxe lomskeli wesikhulumeli sebandla leMDC Alliance uMnu. Felix Magalela Mafa Sibanda othi uhulumende wephula isisekelo sombuso gokubopha abasekeli bebandla leMDC Alliance labanye abalembono ehlukene lekehulumende.