amalinks wokungena

Breaking News

Ingena Kusuku Lwesibili iRepublican Convention Kulezikhulumeli Ezigoqela umkaMongameli Trump


Melania Trump celebrates her 50th birthday - 4/26/20

Ibandla elibusayo eMelika elamaRepublicans lizaqhubeka ngomhlangano walo omkhulu oweNational Convetion ngoLwesibili ngemva kokukhetha uMongameli Donald Trump ukuthi alimele ngokusemthethweni kukhetho oluzakwenziwa ngoLwezi.

UTrump uzangqikilana loMnu Joe Biden owebandla eliphikisayo lamaDemocrats.

Abazakhuluma ngoLwesibili ebusuku bagoqela uNkosikazi kaTrump, uMelania, kanye lonobhala obona ngobudlelwano beMelika lamanye amazwe uMnu Mike Pompeo.

Abakhulume ekuvulweni kwalumhlangano ngoMvulo bagoqela indodana kaTrump yakuqala, uDonald Trump Junior loSenator Tim Scott, onguye yedwa uSenator onsundu kubandla lamaRepublicans.

UScott ukhuthaze abantu abamnyama ukuthi bavotela uMongameli Trump ngoba esithi ungumuntu ozihluphayo kakhulu ngempilo zabo.

Abanye baxwayise uzulu ukuthi engalokotha avotele uMnu Biden, ilizwe lizaguquka lime manzonzo njalo kutshabalale umnotho lamasiko eMelika.

Ukuze uTrump aqhelise usekelo lwakhe, abanye bathi kumele ahuge labo abangakabileqiniso lokuthi bazavotela bani kanye lamanye amalunga ebandla lamaDemocrats.

Kodwa ingcwethi kwezombusazwe uMnu Effie Dlela Ncube utshele iStudio 7 ukuthi amazwi awazwileyo emhlanganweni lo ngoMvulo ebejonge ukwethusela, hatshi ukuhuga.

please wait

No media source currently available

0:00 0:02:09 0:00

Facebook Forum

XS
SM
MD
LG