amalinks wokungena

Breaking News

UChin'no loNgarivhume Baphuma Ejele Besidla Amalahla


UMnu. Jacob Ngarivhume lentanthelizindaba, u Hopewell Chin'ono

Umkhokheli webandla leTransform Zimbabwe uMnu Jacob Ngarivhume lentathelizindaba uHopewell Chin’ono, bona abakhululwe yiHigh Court izolo ngemva kokuhlala entolongweni okwenyanga eyodwa elengxenye, bathi kabasoze babuyele muva kumkhankaso wabo wokulwisana lenkohlakalo elizweni.

Ababili laba batshele intathelizindaba ntambama ngemva kokukhululwa ngebail ukuthi ukubotshwa kwabo lokuhlaliswa ejele okwesikhathi esingaka akusoze kubethusele.

UNgarivhume uthe kubalulekile ukuthi umkhuba wenkohlakalo kuhulumende ulwiswe ukuze uzulu wonke aphile kuhle. UChin’ono laye ubonge uzulu weZimbabwe kanye labakwamanye amazwe ngokutshutshisa uhulumende ukuthi abakhulule.

UChin’ono loNgarivhume babotshwe ngoNtulikazi besetheswa icala lokutshotshozela uzulu ukuthi avukele umbuso weZanu PF. Ibandla leMDC Alliance lithi liyakwamukela ukukhululwa kwababili laba.

Isikhulumeli salelibandla uMnu Felix Magalela Mafa Sibanda uthi bafuna iziphathamandla zebandla labo, uMnu Job Sikhala loMnu Godfrey Kuraurone labo bakhululwe ngoba bengelacala.

please wait

No media source currently available

0:00 0:02:23 0:00


Facebook Forum

XS
SM
MD
LG