amalinks wokungena

Breaking News

Izikolo Zizavulwa Ngamahlandla Kusiya Ngokuthi Abantwana Bakusibanga Siphi Semfundo


Abantwana besikolo.

Uhulumende uthi phezu kwabafundi abaloba imihloliso yabo lonyaka abavula izikolo mhlaka 28 ngeviki ezayo, abanye abafundi bonke bazaqala ukubuyela ezikolo kusukela ngenyanga ezayo kusiya ngamahlanhla.

Abaloba imihloliso laba ngoGrade 7, oForm 4 loForm 6 bona abakuhlandla lakuqala. Kumbiko awethule izolo ntambama uhulumende uthe kuhlandla lesibili kulaboGrade 6, oForm 3 laboForm 5 bona abazavula mhlaka 26 ngenyanga ezayo.

Kuhlandla lesithathu njalo lingelokucina kulabantwana beCreche, oGrade 1, 2, 3, 4 labo5 kanye laboForm 1 laboForm 2 bona abazavula mhlaka 9 ngoLwezi.

Uhulumende usevumela njalo imibuthano yabamasonto ukuthi ibe labantu abalikhulu ngasikhathi sinye.

Esikhathini esedluleyo bekuvunyelwa abantu abangamatshumi amahlanku kuphela.

Ukuvulwa kwezikolo lokhu kuza ngesikhathi inhlanganiso zababalisi sezinqume ukuthi ababalisi kabasoze babuyele emsebenzini ngeviki ezayo nxa uhulumende engakhwezanga iholo labo lalingana leUS$520. Sixhume isiphathamandla senhlanganiso yePTUZ uNkosikazi Nokuthula Hlabangana.

please wait

No media source currently available

0:00 0:02:15 0:00


Sixoxe njalo lomzali ongathandanga ukuqanjwa ngegama yena othi lanxa kulungile ukuthi abantwana bonke babuyele esikolo, kumele kuthathwe amanyathelo okuvikela ukumemetheka komkhuhlane weCovid-19.

Uthi njalo uhulumende kumele engeze ilolo lababalisi.

please wait

No media source currently available

0:00 0:02:30 0:00


Facebook Forum

XS
SM
MD
LG