amalinks wokungena

Breaking News

UMnu. Tendai Biti, Obebotshelwe Ukuthuka Lokuxopha Owesifazane Ukhululwe Ngemali Yesibambiso


Umsekeli kamongameli weMDC Alliance uMnu.Tendai Biti

Omunye wabakhokheli bebandla leMDC Alliance, uMnu. Tendai Biti obotshwe izolo phezu kwecala lokuthi wathuka waze waxopha ngomunwe esinye isizalwane sakwele Russia, ukhululwe ngemva kokuba umantshi edale le Magistrate Court eHarare, unkosikazi Vongai Muchuchuti enqume ukuba uBiti kumele ahlawulele inkulungwane eilitshumi zamadola ( ZW$10 000- 00 ) okuyimali yesibambiso ye Bail.

UBiti ubotshwe ngolweSihlanu, esetheswa umlandu wokuhlasela Unkosikazi Tatiana Aleshina yena okubikwa eyingxenye yabafakazi kolunye njalo udaba oluphathelene lesinye isizalwane sakuleli esimelwa nguBiti emthethwandaba.

Kodwa uBiti uyalilandula lelicala. Umtshutshisi uNkosikazi Idah Maromo akasiphikisanga leso sicelo sikaBiti sokuba atholiswe ithuba lokuhlawula imali yesibambiso iBail.

Ngaphambilini kokuba ethule isinqumo sakhe unkosikazi Muchuchuti, igqwetha likaBiti umnumzana Alec Mucahdehama ubekhalazile phambi komthethwandaba phezu kokuhlukunyezwa kukaBiti kusukela ngesikhathi esiya emapholiseni emveni kokubala ngodaba lwakhe emaphephandabeni, ezwe ukuthi uyadingakala ngamapholisa, wasevalelwa estokisini.

U Muchadehama uthi ufuna umthethwandaba uzihlolisise lezo zikhalazo zokuhlukunyezwa kuka Biti esithi ngoba kuyikwephula ilungelo lakhe.

Lezi zikhalazo zibalisa ukuncitshwa amanzi lokudla ngesikhathi esemapholiseni, ukuvalelwa ngecala ebelingakudingi lokho, ukuhlaliswa endaweni kungalandelwa iziqondiso zokuvikela ukumemetheka kwegcikwane le coronavirus lokuthelwa izankosi ngesikhathi esiwa edale.

U Mantshi unkosikazi Muchuchuti unqume ukuthi zihlolisiswe lezo zikhalazo, impumela yakhona izekwethulwa emthethwandaba mhla liqalayo ukuthoniswa lelicala.

please wait

No media source currently available

0:00 0:02:40 0:00


Isikhulumeli sebandla le MDC Alliance uNkosazana Fadzai Mahere uphe ubono webandla lakhe phezu kokwehlele uBiti.

“ Ihola lesibili emini litshaye vele eseqedile ukuyibhala iDocket yodaba lukaBiti amapholisa kodwa ala ukuthi amuse emthethwandaba ngemva kokuba ebabonisile ukuthi lokho kungenziwa njengoba isikhathi besisakhona.

Liyazi mhlophe ukuba umuntu kumele aye emthethwandaba ayetholiswa ithuba lokuhlawula imali yesibambiso iBail yesibambiso ngesikhathi esibekiweyo ngokusemthethweni ngoba kulilungelo lakhe. “

Sixoxe lengcwethi kwezokucubungula ezombusazwe lenhlalakahle kazulu uMnu. Tjenesani Ntungakwa wapha umbono wakhe phezu kwaloludaba.

“ Into eqakathekileyo yikuthi khona ma sekule icala elinje, lingaba liqiniso kumbeni, sonke sikhangela ngamehlo okuthi siyabe sesingasakwazi ukuthi umuntu esimthembileyo lo, ubotshwa ngeze politiki, ubotshwa nguhulumende kumbeni yena engumuntu nje, akaziphathanga. ”

Ukuthoniswa kwecala leli kuzaqhubeka mhla ziku 18 Zibandlela ngomnyaka ozayo.

Facebook Forum

XS
SM
MD
LG