amalinks wokungena

Breaking News

Abemaphandleni Bakhala Ngemigoqo yeCOVID 19 Ebanqabela Ukufinyelela Okumqoka Empilweni Zabo


Emaphandleni

Izakhamazi zemaphandleni eZansi yeMandebeleni sezikhuthaze uhulumende ukuthi ayekethise eminye imigoqo yokuvikela ukumemethekea kwegciwane leCoronavirus ngalesisikhathi ukuze zifinyelele emadolobheni lapho okutholakala khona ukudla okulentengo enganeno kanye lezibhedlela. Zithi ukuswelakala kwezimota kulezinsuku kuzifaka engozini lapho zigula okulakho ukudalwa ukuthi zibulawe ngeminye imikhuhlane eyabe izihlasele

Inengi lezakhamizi likhala ngokuthi akula uhulumende akwenzileyo ukuze zifinyelele ezempilakahle kanye lokudla emadolobheni ngalesisikhathi sokuvalwa kwelizwe.

Nyakenye izakhamizi zemaphandleni kulesisabelo zabhekana lodubo lokwehluleka ukungena emadolobheni ukuyafinyelela inhlelo ezibalulekileyo.

Zithi njalo kuyadingeka ukuthi kukhangelisiswe inhlalakahle yazo njengalokhu abasemadolobheni bevunyelwa ukuyathenga ezitolo lokuya ezibhedlela.

UMnu Zwelithini Gabula oyisakhamuzi seSitezi eGwand North uthi lanxa kubalulekile ukuthi uhulumende avikele ukumemetheka kwegciwane leCoronaviorus akumelanga becine sebezithola besengozini ngenxa yemigoqo yokuvikela leligciwane.

please wait

No media source currently available

0:00 0:04:55 0:00


Lamazwi asekele nguNkosikazi Thando Mauba oyisakhamuzi seMatanangombe eGwanda South othi inengi liyazidinga imota zokuyafinyelela emadolobheni.

UMnu Phumuza Sibanda usobhuku weMatendele eNswazi koMzingwane uthi kuzamele ezinye iziqondiso zeLockdown zikhangelisiswe ukuze bengabulawa yindlala.

Usomabhizimusi uVusumuzi Ngwenya olesitolo eMatendele uthi ibhizimusi labo kalihambe selokhu kuvalwe ilizwe ngoba zingekho imota zokuthi bayewoda edolobheni.

UNkosikazi Miriam Phuthi ophila ngokuthengisa uthi kunzima ukuthi athengise kulezinsuku.

UMnu Gbariel Moyo oyisakhamuzi seMawane eGwanda yena ukhala ngokufinyelela amaphilisi.

Lanxa uhulumende esithi abantu behlale emakhaya bengaphumi ukuze kuvikelwe ukumemetheka kwegciwane leCoronavirus eselibuya ngamandla kazange watsho ukuthi uzanakekela kanjani uzulu ngalesisikhathi.

Inengi kuleli liphila ngokuthengisa langemisebenzi yezandla ukuze liphilisi imuli okungavunyelwayo ngalesisikhathi seLockdowan osekutshiye inengi lihlaselwe yindlala.

Facebook Forum

XS
SM
MD
LG