amalinks wokungena

Breaking News

Bayakhala Abezempilakahle eBhilithane Abaqhatsha Abadabuka eZimbabwe Ababaleka Emsebenzini


Izisebenzi zeElizabeth Lodge Care Home sithakazelela okwenziwa nguzulu ngesikhathi umhlaba wonke jikelele ulwisana lomkhuhlane weCOVID-19. Kulezizalwane zeZimbabwe ezinengi esisebenza kwele Bhilithane kum care homes

Inhlanganiso eziqhatsha abasebenza kwezempilakahle eBhilithane, ababizwa ngokuthi ngama Health Care Recruitment Agencies, zithi zikhathazekile kakhulu ngabadabuka eZimbabwe ababalekayo betshiya imisebenzi abayilethelwa elizweni, besiyacela ukuphephela kukanti bayabe belungiselwe amaVisa lencwadi zokuzosebenza kwezempilakahle kuphela kweleBhilithane.

Inhlanganiso lezi, ikakhulu ezilabaqondisi abadabuka eZimbabwe, zithi abanye ababaleka emisebenzini sebabiselwa ngenkani elizweni labo nguhulumende we Bhilithane ngoba sebesenza okungekho emthethweni.

Omunye wabo nguMnu Walter Ncube, ongumqondisi weLeeds Care Alliance Agency.

"Abantu laba bafika ngapha ma befika ngapha basuke batshiye imsebenzi le. Babuya bengelanjongo yokusebenza, bayabe belenjongo yokwenza imali kumbe injongo yokuthi bangene nje elizweni leli basuke babaleke. Ungasuka wenzenjalo ama companies thina siyafoswa ukuthi sirepote kuhulumende ngokuthi abantu laba bangaphi lokuthi abantu laba benzani. Uhulumende wase UK sezakuvalela akudiphothe."

UMnu. Johnson Ndlovu laye ulenkampani yakhe ebisa abantu ukuzosebenza eBhilithane.

"Abantu bekhaya they are a disappointment because lapha sizama ukuthi buya ngenhliziyo yakho enhle, uzosebenza usapote abantu bangini abantu bayabaleka. From my side mina ngithi we will looking at other nations. Ngeke ngilethe umuntu ozabuya ezodestroyer ikampani. Ungatshelwa ngabantu laba ukuthi hambeclaimer i-asylum bayakubisela."

Ngeviki ephelileyo izizalwane zeZimbabwe ezine ebezisebenza ukugcina abagugileyo eBristol zitshiye umsebenzi zingavalelisanga okwaze kwenza amapholisa angenela bacina bebotshiwe babiselwa ekhaya. Bebesebenzela UNkosikazi Mary Watson.

"Ngeskhathi kumele basebenze abanye babetshona besidla besenza into ezingaqondakaliyo, inkampani yayibadingele indawo enhle yokuhlala ilento zonke. Kwakumele bayesebenza bagcine abagulayo ema nursing home lezibhedlela kodwa bafuqelana ukuthi bangayi emsebenzini, sabacebela babiselwa ekhaya.”

Abanye bathi bathola umsebenzi wokugcina abakhubazekileyo labagugileyo unzima kakhulu. Unkosazana Cindy Moyo yena sowabiselwa ekhaya kulandela ukubalekela umsebenzi.

"Mina lm sorry ukuthi l let down abantu abangibisa ngapho eUK. Kwakunzima kakhulu ngoba empilweni yami angizange ngenze icare work ngayekela ukuya emsebenzini kugogo owayehlupha ngabaleka ngaya kukhazeni wami eLeeds from November last year then ngabnjwa ngoJanuary ngama phlosa bangi depota ngiko Bulawayo okwamaje."

Unkosazana Nomathemba Nsingo wabiswa kwele Bhilithani ngenye inkampani ngomnyaka ophelileyo, usola abatshiya umsebenzi.

"Ngizwa ubuhlungu ngabantu abafuna ukusonisela thina abanye esabuya ngama sponsorship visa. Why did they come in the first place, savuma sisuka ekhaya ukuthi sizogcina abagulayo labalupheleyo manje why sisona sibaleka singavalelisanga. Mina sengijwayele ngiyaba gezisa ogogo.”

Uhulumende we Bhilithane wanika amakampani aqhatsha abezempilakahle imvumo yokubisa abantu bamanye amazwe ukuzosebenza ngoba sokulokusilela kwabasebenza kwezempilakahle kulandela ukuphuma kwalelolozwe kumanyano weEuropean Union.

Amakampani la athi ngendlela abantu baseZimbabwe abafika babaleke bayecela ukuphephela kumbe baye kuzihlobo ezivela zihlala la kuzenza uhulumende we Bhilithane avale loluhlelo okuzenza ukuthi kubulale ama kampani abo.

Facebook Forum

XS
SM
MD
LG