amalinks wokungena

Breaking News

Malema: Bantu beZimbabwe AbaseSouth Africa, Hambani Liyevota Kukhitshwe iZanu PF Embusweni


FILE - Julius Malema, leader of the Economic Freedom Fighters (EFF) party, raises objections before being evicted from Parliament during President Jacob Zuma's question and answer session in Cape Town, South Africa, May 17, 2016.
FILE - Julius Malema, leader of the Economic Freedom Fighters (EFF) party, raises objections before being evicted from Parliament during President Jacob Zuma's question and answer session in Cape Town, South Africa, May 17, 2016.

WASHINGTON DC - Umkhokheli webandla eliphikisayo kweleSouth Africa eleEFF uMnu Julius Malema sexwayise izizalwane zeZimbabwe ezihlala elizweni lakhe ukuthi zibuyele ekhaya ngesikhathi sokhetho ziyevota ngobunengi ukuze kukhitshwe uhulumende weZanu PF.

UMalema wethule amazwi la emkhosini wokuthakazelela uzibuse weleSouth Africa izolo.

Uthe lanxa izizalwane zeZimbabwe zimele zizizwe zikhululekile nxa ziseningizimu Africa, kumele zikhumbule ukuthi zilomlandu wokuyavota nxa kulokhetho ukuze kutshintshwe iZanu PF kufakwe inkokheli ezizahlonipha amalungelo oluntu njalo zivuselele umnotho.

“IZanu PF seyabulala ilizwe leZimbabwe elalilekusasa elithembisayo. UMongameli walo kalancedo ufana loMongameli wakhonapha eSouth Africa,” kutsho uMalema.

“Bantu beZimbabwe abalapha eSouth Africa, siyalicela ukuthi nxa kulokhetho elizweni lenu, hambani liyevota likhiphe leyanto enzakalayo beseliphenduka nxa lifuna.

“Abantu bezimbabwe kumele basukume bayevotela uhulumende omutsha, asincedaneni ukuze kube lohulumende omuhle eZimbabwe, lalapha kweleSouth Africa sizafaka uhulumende oqondileyo,” uqhubeke etsho uMalema.

“Bantu beZimbabwe lingakhohlwa ukuthi lilomlandu wokuyavotela uhulumende ozalungisa umnotho njalo ozahlonipha amalungelo oluntu. Sifuna ukuncedisa abantu abazincedayo.”

please wait

No media source currently available

0:00 0:02:00 0:00

Ukuhlaziya amazwi kaMalema sixoxe lesikhulumeli seZimbabwe Community in South Africa uMnu Bongani Mkhwananzi yena othe lanxa inhlanganiso yakhe ingathathi hlangothi, labo bakhuthaza abantu ukuthi babuyele ekhaya bayevota.

Ukhuthaze njalo uhulumende weZimbabwe ukuthi avumele izizalwane zakhe ukubhalisela ukuvota kanye lokuvota ziphandle kwelizwe, i-diaspora vote ngeSingisi.

please wait

No media source currently available

0:00 0:03:04 0:00

Asenelisanga ukukhuluma labeZanu PF ngaloludaba.

XS
SM
MD
LG