Unobhala jikelele womanyano wamazwe omhlaba owe United Nations uMnu. Antonio Gueterres wethekelele eleUkraine ngoLwesine lapho athe abantu makhaza yibo abathintwe kakhulu yimpi eqhubekayo kulelolizwe elahlaselwa ngele Russia.
UMnu. Gueterres ufike emadolobheni agoqela iBorodianka,Iripin, le Bucha lapho okwatholakala imizimba yabantu makhaza okucatshangelwa ukuthi babulawa libutho leRussia elalikuleyo ndawo.
Uthe i-United Nations izaphathisa abantu ngoncedeo olutshiyeneyo. Umongameli Joe Biden weMelika ukhangelelwe ukwethula umbiko ngoncedo ilizwe lakhe elizalunikeza eleUkraine.
Ukuhlaziya loludaba, sixoxe loMnu. Anglistone Sibanda, ingcwethi ecubungula ezombusazwe esiqale ngokumbuza ukuthi kambe kuzawela ngaphi induku loxakuxaku ngempi le.
