NgoLwesine eleZimbabwe limanyane lamanye amazwe womhlaba ekunenzeni usuku olwe-lnternational Day of the African Child.
Abatsha baveza imibono ehlukileyo ngosuku lolu olunanzwa mhlaka 16 Nhlangula minyaka yonke inengi labo likhala ngokuthi libhekane lenhlupho ezinengi kodwa bebeka ithemba labo kukhetho luka2023 bekhuthazana ukubhalisela ukuvota ukuze benyuke ebunzimeni ababhekane lalo kungela dlakela. Kubika uAnnhastacia Ndlovu.
Inhlelo zokubuthana abantu benanza usuku lweDay of the African Child zihlelwe ukwenziwa ngempelansonto. Inengi labasakhulayo baseZimbabwe bakhala ngokuthi babhekane lenkinga ezehlukeneyo ezigoqela ukuswela imisebenzi, imali, ukuqansa kwembadalo yemfundo lokusilela kwakho konke okungenza babe lempilo engcono.
Osakhulayo olwela amalungelo oluntu uNkosazana Nozipho Moyo uthi sekuyisikhathi sokuthi basukume babonise inkokheli ukuba abathokozi ngempilo abayiphilayo.
Osakhulayo. uMandla Tshuma, ohlala emzini wakoBulawayo uvumelana loMaMoyo
Obona ngokuqoqwa kwenhlelo kubandla eliphikisayo eleCCC uKelvin Moyo utchasisa ngenhlelo zebandla lakhe zokunanza ilanga leInternational Day of the African Child.
Uqhubekele phambili ethi bakhankasela ukubhalisela ngobunengi kwabatsha ukuthi bathole ilungelo lokuvota ukuze babonise ukukhala kwabo kukhetho oluzayo kungela dlakela.
Obona ngezokhetho koBulawayo kukhomishini eyeZimbabwe Electoral Commission, uNkosikazi Sithembile Khuphe laye ukhuthaza abatsha ukuba bangadlalisi ithuba lokubhalisela ukuvota.
Abatsha beZimbabwe bathi baphila nzima ngoba labazali babo besenkingeni kulandela ukuma manzonzo kwesimo sezomnotho elizweni.
Indikimba yalonyaka yokunanza lolusuku olweInternational Day of the African Child ithi “Eliminating Harmful Practices Affecting Children’s Progress and Policy and Practice Since 2013” kuthi NgoMqgibelo abatsha bathi bayananza ilanga labo ngendikimba ethi “Youth Participation Key in Giving Full Effect and Meaning to the Liberation Dream.