Uphenyo olusanda kwenziwa luveza ukuba liphezulu inani labesilisa abakhahlanyezwa ngabesifazana esabelweni seMatabeleland South.
Uphenyo olwenziwe yiZimbabwe Vulnerability Assessment Committee luveza ukuba abesilisa abafika phose okuyisikhombisa ekhulwini – 6.9 % babika ukuba bakhahlanyezwa ngabatshade labo. Liphansi inani labesifazana abathi bakhahlanyezwa ngabesilisa abatshade labo.
Ukukhahlanyezwa lokhu kugoqela ezemacansini lokutshaywa kwabesilisa ngabesifazana.
Iphephandaba leChronicle libika ukuba ikhomithi le iveze njalo ukuthi abanye abesilisa bathethiswa kakhulu ngabatshade labo.
Ukukhahlanyezwa kwezemacansini kunjengokuthethiswa kwabesilisa, okuthiwa abatshayi kuzwela emacansini.
Kubikwa ukuba kulowesifazana owabiza eyinye indoda waya layo emacansini phambi komkakhe esithi kamsuthisi kwezemacansini.
Okunye njalo, iphephandaba leli libika ukuba abesifazana babamba ngamandla abatshade labo ukuba beye emacansini.
Kungehlula lokhu, owesifazana ucina esithi umkakhe uthandana labesifazana abanengi. Lokhu kwenza kungabi lokuhlaliseka ezindlini kumbe abesilisa becine bebulala amakhosikazi abo.