WASHINGTON DC - Lanxa uMongameli Emmerson Mnangagwa ekhuthaze abezombusazwe ukuthi bekhankase ngokuthula phambilini kokhetho lomnyaka ozayo, ibandla leZapu lithi abasekeli balo bayethuselwa ngamalunga ebandla likaMnangagwa eleZanu PF.
UMnangagwa uxwayise abantu beZimbabwe jikelele ukuthi betshiyane lodlakela ngesikhathi evula iphalamende ngeviki edluleyo.
Ngenyanga ephelileyo kube lodlakela ezigabeni ezifana leMatobo leInsiza, eMatabelaldn South, lapho okutshaywe khona amalunga eCCC ngesikhathi ekhankasela ukhetho lwamaby-elections.
Udlakela kanye lokwethuselwa kwabasekeli bamabdnala aphikisayo kubikwa kugxila kwezinye izigaba zeMashonaland.
Lizakhumbula ukuthi ngeviki edluleyo silethulele inkulumompikiswano phezu kodaba lolu ebiphakathi kwelunga leZanu PF uMnu Believe Gaule lesikhulumeli seZapu uMnu Msongelwa Ndlovu, onguye osungula ihlandla lethu lesibili namuhla.
