Abaculi sebesole kakhulu iqembu labasakhulayo elikhanya lilobudlelwano leZanu PF elizibiza ngokuthi yiEconomic Empowerment Group, lona elithi umhlabeleli weZim Dancehall, uWinky D, kumele avinjwe ukwenza amagigi njalo ingoma zakhe zingavunyelwa elizweni ngoba ekhuthaza uzulu weZimbabwe ukuthi avukele uhulumende.
Abasakhulayo baleliqembu bethule amazwe la emhlanganweni abawenze lentathelizindaba eHarare izolo ngemva kokuba uWinky D ethule idlalade lakhe elilengoma elesihloko esithi ‘Dzimba Dzemabwe’, lapho akhuluma khona ngokuhlupheka kwabantu beZimbabwe ngenxa yokuswelekala kwemisebenzi lokudilika komnotho.
Abanye abahlabeleli bathi okwenziwe ngabatsha laba kulihlazo.
Bathi abezombusazwe akumelanga batshele abaculi okokuhlabela.
Ibandla leCCC lalo lisole kakhulu abasakhuleyo laba lisithi phansi kohulumende walo, abahlabeleli bazahlonitshwa njalo bavunyelwe ukuhlabela yiloba yini abayifunayo. Sixoxe lomunye wabaculi oyimbongi uBhekani Dube.
