amalinks wokungena

Breaking News

Ibandla le CCC Lisola uMnangagwa 'Ombambathe' Izinduna Ngezimota Lama Solar


Nanzi izimota eziphiwe izinduna.
Nanzi izimota eziphiwe izinduna.

Lelibandla lithi imali le ngabe isetshenziswa ukuthenga imithi ezibhedlela kumbe ukunakekela uzulu odla imbuya ngoluthi.

Ibandla le CCC lisola ukuphiwa izimota okwenziwe izinduna nguMongameli Emmerson Mnangwa esithi kumele ziyekhankasela ibandla leZanu PF.

UMnangagwa ubekoBulawayo izolo emhlanganweni lezinduna owenziwa kanye ngomnyaka lapho ambambathe khona izinduna ngezimota zohlobo lwe Isuzu Twin Cab ezibiza inkulungwane ezedlula ikhulu lamadola eMelika inye.

Lelibandla lithi imali le ngabe isetshenziswa ukuthenga imithi ezibhedlela kumbe ukunakekela uzulu odla imbuya ngoluthi.

Induna eziphiwe lezimota izolo zingamatshumi amathathu lasithoba minwe mibili, 38.

UMnangagwa uthe zonke induna zelizwe lonke jikelele ezingamakhulu afika phose amathathu, 291 zizathola lezimota ziphinde ziphiwe izigxingi zokuphehla amandla kagetsi ngelanga, eze solar.

Uthe izinduna zizafakwa njalo kuhlelo lokwelatshwa, ole Medical Aid.

Okwengezelele ukuthukuthela kwebandla le CCC yikuthi uMnangwa ucebise izinduna lezi ukuthi ziyekhankasela ibandla le Zanu PF kukhetho oluzayo okuyikwephula isisekelo sombuso esithi induna azimelanga ziphatheke kwezombusazwe.

Sixoxe lomsekeli wesikhulumeli sebandla le CCC uMnu. Felix Magalela Mafa Sibanda.

please wait

No media source currently available

0:00 0:02:51 0:00

‚Äč
XS
SM
MD
LG