amalinks wokungena

Breaking News

Uzulu Uthi Amazwe Omhlaba Kumele Abambe Iqhaza Avimbe Izigilamkhuba Eziqanjwe yi Al Jazeera


Emsakazweni we Al Jazeera.
Emsakazweni we Al Jazeera.

Uzulu uthi amazwe omhlaba kumele abambe iqhaza avimbe izigilamkhuba

Uzulu uthi amazwe omhlaba kumele abambe iqhaza avimbe izigilamkhuba ezihuquluza umnotho weZimbabwe kulandela ukwethulwa kwehlandla lesithathu le documentary yomsakazo weAl Jazeera izolo eveza ukwebiwa kwegolide leZimbabwe ngabantu abathi balobudledlwano loMongameli Emmerson Mnangagwa.

Idocumentary le ilesihloko esithi Gold Mafia njalo iveza isikhonzi sikaMongameli Emmerson Mnangagwa uMnu Eubert Angel lalowo asebenza laye uMnu Rikki Doolan bezitshaya isifuba besithi bayenelisa ukungenisa imali engcolileyo eZimbabwe ukuze iyethenga igolide besebenza laye uMnangagwa.

Kuhlandla layizolo, idocumentary le iveze ingqungquthela ebikwa isebenza lohulumende weZimbabwe ekuthengiseni igolide lelizwe eDubai uMnu Kamlesh Pattni, atshengisa intathelizindaba zeAl Jazeera amahofisi akhe eDubani lapho athi uthola imali efika kuzigidi ezilitshumi, 10 million ngelanga ekuthengiseni igolide.

Abanye abakufilimu le abasebenza lohulumende nguMnu uEwan Macmillan loAlistair Mathias.

Inengi lithi abantu laba kumele baphenywe ngamazwe omhlaba njalo bahluthunelwe inotho ababikwa sebeyitholile ekuhuquluzeni inotho yeZimbabwe.

Ibhanga elikhulu lelizwe eleRBZ lithi selivale inotho yabantu abane abathinteka kuli documentary.

Sixoxe losomabhizimusi uMnu Aleck Ndlovu.

please wait

No media source currently available

0:00 0:02:15 0:00

Sixoxe njalo lomunye usomabhizimusi edolobheni linye uMnu Bhekimpilo Sithole.

please wait

No media source currently available

0:00 0:02:14 0:00

‚Äč
XS
SM
MD
LG