amalinks wokungena

Breaking News

Uhulumende Uthi Zizabakhalela Abaphume Kufilimu yeAl Jazeera Befakaza Ukuthi Bahuquluza Igolide leZimbabwe


FILE - Gold bars are pictured at a plant of gold refiner and bar manufacturer Argor-Heraeus SA in Mendrisio, southern Switzerland, April 6, 2009.
FILE - Gold bars are pictured at a plant of gold refiner and bar manufacturer Argor-Heraeus SA in Mendrisio, southern Switzerland, April 6, 2009.

WASHINGTON DC - Uzulu seveze imbono etshiyeneyo phezu kwenyathelo likahulumende elokubamba impahla yabanye njalo abantu abane abaphume kufilimu yomsakazo weAl Jazeera bechasisa ukuthi bahuquluza njani igolide leZimbabwe.

Abasolwa laba nguMnu Kamlesh Pattni, uEwan McMillan, Eubert Angel loSimon Rudland. Inotho yabo ibanjwe lugatsha lwebhanga elikhulu lelizwe, olweReserve Bank of Zimbabwe (RBZ) Financial Intelligence Unit.

Unobhala wogatsha lukahulumende olubona ngokwethulwa kwemibiko uMnu Nick Mangwana ukufakazile lokhu ngoLwesihlanu wazisa njalo ukuthi abanye bazabotshwa kungekudala.

Abanye asebethathelwe amanyathelo afanayo lugatsha lweFinancial Intelligence Unit nguMnu Cleopas Chidodo, David Chirozvi, Mehluleli Dube, loFredrick Kunaka.

UAngel lomunye asebenza laye uMnu Rikki Doolan baphume kulifilimu le betshela intathelizindaba zeAl Jazeera - zona ezazithapha abakukhulumayo ngudlu zizenza abatshali bezimali - ukuthi basebenza loMongameli Emmerson Mnangagwa kumisebenzi yenkohlakalo.

Lanxa abanye besithi ukubanjwa kwenotho yabasolwa kuveza ukuthi uhulumende uzimisele ukujezisa izigilamkhuba ezihuquluza inotho yeZimbabwe, abanye bathi abakuthembi lokho.

Igqwetha elilwela amalungelo oluntu uMnu Kuda Hove utshele iStudio 7 ukuthi ukungabanjelwa impahla komunye othinteka kuloludaba uNkosazana Henrietta Rushwaya kuveza sobala ukuthi ukuthi uhulumende kazimiselanga ukujezisa labo abahuquluza inotho yelizwe ngokugcweleyo.

please wait
Embed

No media source currently available

0:00 0:02:12 0:00

Umphathintambo weZimbabwe obona ngokwethulwa kwemibiko uNkosikazi Monica Mutsvangwa utshele intathelizindaba ukuthi sebephenya loludaba njalo labo abazatholakala belecala bazajeziswa.

“Sesilaye amapholisa labezinye ingatsha ezifaneleyo ukuthi bavule uphenyo," kutsho uNkosikazi Mutsvangwa. "Lowo lalowo ozatholakala ukuthi waphatheka kumisebenzi yenkohlakalo, ubusela, kumbe kungaba yiliphi icala, uzabhekana lomfutho womthetho ngokugcweleyo.”

Ihlandla lokucina lefilimu yeAl Jazeera le, elesihloko esithi 'Gold Mafia', likhangelelwe ukusakazwa ngeviki ezayo.

XS
SM
MD
LG