Inhlanganiso yababalisi bemaphandleni eyeAmalgamated Rural Teachers Union of Zimbabwe ithi abanye ababalisi abayi emsebenzini ngoba bengelamali yokugada imitshova njalo belandela isinqumo sayo sokuthi kumele ababalisi basebenze ngoMvulo langoLwesibili kuphela.
Lokhu kuyindlela yokukhonona ngeholo eliphansi.
Namuhla khona abakhokheli benhlanganiso ezimela izisebenzi eziphansi komanyano weZimbabwe Confederation of Public Sector Trade Unions, bazahlangana eHarare bekhulumisana ngodaba lweholo phambilini komhlengano wabo omkhulu lohulumende ngeviki ezayo.
Inkulumo zikahulumende lezisebenzi zakhe lezi ziqhutshwa phanso kweNational Joint Negotiating Council.
Abablisi bathi bafuna ukuholiswa imali ephose ingene kunkulungwane yamadola aseMelika iUS$840.00. Sixoxe lesikhulumeli seARTUZ uMnu Thembakuye Moyo.
