WASHINGTON - Bayakhala abantu abanengi ngokukhuphuka mahlayana kwentengo yempahla eZimbabwe.
Bathi ayisathengeki impuphu, amafutha okupheka, indumba ezitshiphile, inyama, isinkwa, uchago lokunye okuthengwa nguzulu ngukuzonke.
Abacubungula ezomnotho bathi lokhu kubangelwa yikugugudeka kwedola leZimbabwe.
Kodwa kulabanye abathi kubangwa ngezombusazwe.
UMnu. Anglistone Sibanda, usomabhizimusi wako Bulawayo, uthi akumangalisi ukukhupha kwentengo yempahle ngenxa yokuthi sokuzaqhutshwa ukhetho oluqakathekileyo elizweni.
Kodwa uMnu. Effort Ncube uthi kunengi okwenza kukhuphuke intengo yempahla etshiyeneyo.
Okwamanje idola leMelika elilodwa libiza amadolar eZimbabwe edlula kancane inkulungwane– 1,115.75. Emkambo wensitha libiza okwedlula inkulungwane ezimbili zamadola eZimbabwe – 2,350.