amalinks wokungena

Breaking News

Izakhamizi ze Harare zinatha amanzi angcolileyo


Imitshina yokuhlambulula amanzi esititshini esiseduzane lomuzi we Glenorah edolobheni le Harare esithiwa yi Firle Sewage plant, ibikwa ingasasebenzi, osokubangela ukuthi amanzi angcolileyo asuka ezambuzini angene emfuleni u Mukuvisi, yena othela emfuleni u Manyame lawo ocina usiya thela edamini le Chivero lapho okunatha khona idolobho le Harare.

Ingcwethi kwezempilakahle zithi lokhu kubeka izakhamizi ze Harare engozini enkhulu yemikhuhlane eminengi ngenxa yokunatha amanzi alengcekeza yezambuzi.

Inhlanganiso ebona ngezamanzi i Zimbabwe National Water Authority i ZINWA iyavuma ukuthi loluhlupho kumele lulungisiswe masinyane.

Obona ngokuqhutshwa komsebenzi kulesisititshi ubikwa etshele umgcinisihlalo we Board ye Zinwa u Mnumzana Willie Muringani ukuthi kufuneka amabillion angamatshumi amabili amadollar eZimbabwe, Zim$20 billion dollars ukuze kulungisiswe imitshina yokuhlambulula amanzi.

Ingcwethi kwezombuso wezabelo u Mnumzana Rejoice Ngwenya utshele uBrenda Moyo owe Studio 7 ukuthi ukungasebenzi kuhle kwesititshi lesi lezinye indubeko ezibhekane ledolobho le Harare kubangelwa yikwehluleka umsebenzi kwe khomishini ebona ngokuqhutshwa kwemisebenzi kamanisipala, yona engekho emthethweni njalo okumele isuke esikhundleni masinyane.

Ezinye indaba ze Studio7..

‚Äč
XS
SM
MD
LG