Kukhanya kulokufuthelana lokuthukuthela okukhulu phakathi kwezakhamizi ze Chiredzi South esabelweni se Masvingo ezithi azifuni umuntu osekhethwe yinkhokheli yeZANU PF yaleso sigaba ukuthi abe nguye oncintisa ezimele kukhetho losezathatha isikhundla sokumela leyo ndawo edaleni lephalamende.
Inkhokheli ye ZANU PF ikhethe uMnumzana Calisto Gwanetsa ukuthi ancintise emele lelo bandla kukhetho oluzakwenziwa mhla ka 17 ngoNhlolanja 2007 encintisana loNkosikazi Immaculate Makondo ongusomabhizimisi omela elinye lamacele eMDC elikhokhelwa nguMnumzana Morgan Tsvangirai. Kuthi i MDC ekhokhelwa nguMnu. Arthur Mutambara imelwe nguMnu. Nephenia Zenamwe.
Izakhamizi zithi inkhokheli ye ZANU PF itshengisa ukuzidelela ngokukhetha u Gwanetsa yena okhuluma ulimi lwesiShona ukuthi abengu meli wesizwe sama Tshangana kudale le phalamende.
Intatheli zindaba yethu uMark Peter Nthambe usethulela lolu daba