Abalandeli bomdlalo wenguqu bathi bazakholwa ngokubona inhlanganiso ye Premier Soccer League isilutholile usekelo lwemali lonyaka.
Inkokheli ye PSL isile ngentunja yenalithi lapho amanye amaqembu adlala kulesisigaba abalisa i Dynamos kanye le Motor Action esefuna ukuyisusela amanqe ngokuveza ukuba isithole usekelo lwemali yemidlalo yalonyaka.
Kodwa lokhu kuchazwe ngabanengi abalandela umdlalo njengodaba olumele lungathathelwa phezulu ngoba amaqembu engasala esikhaleni.
U Jacob Dube ongumsekeli weqembu le Highlanders uthi leli kungaba liqinga lokwalela kwenkokheli ye PSL esikhundleni sokuba ibe ilokhu iphethe izintambo zokuqondisa umdlalo wenguqu kuze kuqale imidlalo yalonyaka lapho okuzakuba nzima khona ukuba besuswe esihlalweni.
Lokhu kusekelwe ngu Tedius Moyo othi nyakenye kwenzakala udaba olufanayo lapho isizwe saziswe ukuba ikhona inkampani ezasekela ngemali khona kungela.
Intathelizindaba yethu yezemidlalo uJoseph Njanji usipha loludaba ndawonye lezinye.