Ingcwethi kwezomnotho welizwe zithi ukuwa kwamandla e dollar le Zimbabwe uma lilinganiswa lemali yakwamanye amazwe kukhombisa ukubhidlika komnotho okuzathatha iminyaka eminengi ukulungisisa.U Mnumzana Clemence Sibanda utshele u Brenda Moyo we Studio 7 ukuthi sikhulumanje intengo yamafutha ezimota ibikwa isikhwelile kwezinye indawo okuzakwenza impilo yezisebenzi ibenzima ngamandla njengoba abemitshova belakho ukukhweza intengo yokuhambisa.
U Sibanda uthi njengoba lezulu lingani kuhle kutsho ukuthi lonyaka ilizwe libhekane lendlala embi,njalo u hulumende kuzamela adinge imali yakwamanye amazwe yokuthenga umumbu emazweni afana le South Africa.
