Iqembu lomculo ele Ndolwane Super Sounds lithi alizukulahla imbeleko ngokufelwa ngemva kokulahlekelwa ngamalunga ayo amabili ngenyanga ka December.Oqale ukubhubha ngu Last Fatiya ekuqaleni kwenyanga ka Mpalakazi,(December) kwazolandela u Abson Ndebele ongomunye wabasungula leliqembu, ngesikhathi seKhisimusi.
Kodwa umkhokheli waleliqembu uthi laloba iqembu lilahlekelwe kakhulu amalunga aseleyo azazama ukuqina ukuze enelise ukuqhuba umsebenzi.
U Charles Ndebele uthi bebevele bephakathi kokudinga amanye amalunga ukuqhelisa iqembu.
UNdebele uveze konke lokhu kungxoxo ayenze loBrenda Moyo weStudio 7.
