amalinks wokungena

Breaking News

Abe ZANU PF Bala Ukukhipha Imali Yomkhosi We 21st February Movement


Amanye amalunga eZANU PF ezabelweni ezitshiyeneyo aseyalile ukukhipha izimali zokuphathisa emkhosini wokuthakazelela ukuzalwa kukaMongameli Robert Mugabe okhona ngeviki ezayo.

Amalunga la athi ayazidubekela njalo kalayo imali yokunika uMugabe ngoba yena ehlezi kuhle njalo kunguye obangele ubuyanga bawo.

Abasiki bebunda kulelibandla batshele lumsakazo ukuthi inengi lamalunga endaweni ezitshiyeneyo sekubeke sobala ukuthi kasoze akhiphe imali ezasetshenziswa emkhosini wokuthakazelela ilanga lokuzalwa kukaMongameli Mugabe ngeviki ezayo. Imbangela bathi kabasoze bakhiphe imali abayithola nzima benikeza uMugabe yena kunguye osebangele ukubhidlika komnotho ngokwehluleka ukubusa kuhle lokusebenzisa inhlelo ezilohlonzi.

Izabelo ezilenani labantu elinengi elale ukukhipha izimali zigoqela iBulawayo, iHarare, iMasvingo, iMidlands kanye lezabelo zeMandebeleni zombili, kutsho abasiki bebunda.

UBabongile Dlamini usipha loludaba.

Ezinye indaba ngesiNdebele...

XS
SM
MD
LG