Inengi lamalunga eWOZA elatshaywa kakubi ngamapholisa ekutshengiseleni okwenziwe koBulawayo ngoLwesibili libikwa lidinga uncedo ezibhedlela eseziphonguba yizakhiwo ngoba odokotela bakhalala umsebenzi njalo imithi isilela.
Inhlanganiso yeWOZA itshengisele koBulawayo le Harare isithi ifuna inkokheli yelizwe ilungisise umnotho welizwe ngoba sebengabayanga ngenxa kahulumende. Amalunga phose angamakhulu amabili abotshwe ekutshengiseleni lokhu, abhaxabulwa ngamapholisa.
Isiphathamandla sewoza, uNkosazana Magodonga Mahlangu ngomunye walaba abaxathulwa imizimba ngezamboko zamapholisa. Ulandisele uChris Gande weStudio 7 okunengi ngokwenzakalayo.