Icele le MDC elikhokhelwa ngu Mnumzana Morgan Tsvangirai livinjwe ngamapholisa ukwenza umhlangano labasekeli balo namhlanje ko Bulawayo e Large City Hall, laloba belike laphiwa imvumo yokuwenza.
Kodwa ibandla leli lithi alisoze lilahle imbeleko ngokufelwa ngoba lilamanye amacebo lamanyathelo elizawathatha ukuthi liqhubeke ngokuhlangana labasekeli balo.
Umsekeli kamgcinisihlalo walelibandla,u Mnumzana Lovemore Moyo, omela isigaba se Matopo edaleni lepalamende, uchasisela u Brenda Moyo we Studio7 ngokwenzakale namhlanje.