Abaphila legcikwane emaphandleni sokubasinda ngamandla ukufinyelela imithi yama ARVs, njalo abalethuba lokuwathola baswela ukudla okweneleyo okumele bakudle bethatha limithi, okungokunye ingcwethi zempilakahle ezithi sokunciphise impilo emaphandleni legcikwane liqhubeka limemetheka kulezindawo.
Uzulu wesigabeni sangenhla yeMandebeleni ese Plumtree ukhala ngokuthi sokusiba nzima ngamandla ukuthi afinyelele imithi yokwehlisa ukumemetheka kwegcikwane emzimbeni ama ARV’s esibedlela sikahulumende ese Plumtree.
Endaweni ezinengi zemaphandleni ezivele zisaziwa ukuthi izakhamizi kazitholi ukudla okweneleyo, abasebenza esibhedlela sePlumtree bathi impilo yabaphila legcikwane isiba mfitshane ngoba laloba bewatholile amaphilisi lemithi le, izakhamizi kazitholi ukudla okweneleyo okumele bakudle sikhathi sinye bethatha limithi.
Intathelizindaba yethu uMasautso Banda isethulela lolu daba.