Indubeko ezibhekane lele Zimbabwe, ukuwa kwezomnotho, lokungabuswa kuhle kwelizwe zibikwa sezichithekela emazweni angomakhelwane, engxenye okungenza inkokheli yawo ingenele kudaba lwe Zimbabwe. Amazwe la agoqela i South Africa, Botswana, Zambia, Malawi lamanye.
Kodwa udaba olumangalisayo yikuthi okwesikhathi eside abakhokheli bamazwe angomakhelwane e Zimbabwe bebekhanya becocobisile nje besehluleka ukuvusa amakhanda ukuze kulungisiswe okuhluphayo kuleli, bekhangelele ukuthi u Mongameli Thabo Mbeki wele South Africa nguye okumele akhokhele emizameni yokungenela kudubo lwe Zimbabwe.
Ingcwethi kwezombusazwe elilunga le Communist Party ye South Africa, u Mnumzana Zenzo Nkomo uchasisa izizatho ezenza abakhokheli bamazwe akhelane le Zimbabwe bafuqele u Mbeki phambili.