Inkokheli yesonto yamaRoma, iCatholics Bishops Conference isikhuthaze uMongameli Mugabe ukuthi avume ukutshiya umbuso ngoba engekela kungaphetha ngomvukela elizweni.
Izolo esontweni zeRoma kubikwa amakholwa ehanqe lapho okunanyathiselwa amaphepha ezaziso ebala limbiko efanise uzulu weZimbabwe labantwana baka Israel ababiyizigqili.
Kodwa uMphathintambo wokwethulwqa kwembiko, uMnumzana Sikhanyiso Ndlovu utshele iStudio 7 ukuthi uhulumende kazidubi ngembiko le ngoba labo amaBishop balelungelo lokwethula imbono yabo.
Okhokhela iRoma koBulawayo, uArchbishop Pius Ncube utshele uChris Gande weStudio 7 ukuthi limbiko bayethule ngemva kokwenza umhlangano owakufaka sobala ukuthi ilizwe liphakathi kobunzima obumangalisayo ngakhoke kumele amabishop aphumele egcekeni esola umbuso okhona.