amalinks wokungena

Breaking News

Isilinganiso Sokuqonga Kwentengo Yezinto I Inflation Selihahabela Kunkulungwane Ezine Ekhulwini - 3 713,9%


Inani lokuqonga kwentengo yezinto i Inflation yenyanga ka April isiqonge isuka ku 2200% yafika ku 3713.9%. Ugatsha lukahulumende olwe Central Statistical Office lwehluleke ukwethula i Inflation ka March ngesikhathi esifaneleyo. Ugatsha lolu luthi i Inflation le iqongiswe kakhulu yikukhwela kwentengo yezinto ezigoqela eyokuhambisa,ukwelatshwa lentengo yokudla.

I Zimbabwe yilo lodwa ilizwe elile inflation ephezulu kangaka, ukwedlula amazwe onke omhlaba. Inhlanganiso ye International Monetary Fund i IMF layo isanda kwethula umbiko wokuthi kusiyafika umnyaka ozayo i Inflation ye Zimbabwe izabe isisedlula i 6000%.

Kunjalo nje uzulu wakoBbulawayo uthi imbiko yokuthi i inflation isiqonge yafika kusilinganiso phose esizinkulungwane ezine ekhulwini- 3 713,9 %, eyimbiko ekhitshwe lamuhla yiCentral Statistics Office imtshiye ethithibele. Uthi lokhu kuveza sobala ukuthi uhulumende wehluleka ukulungisisa udaba lomnotho kungakho emele eqale ukudlelana lenhlanganiso kanye lamazwe angamncedisa.

Inengi labantu elikhulume lalu msakazo lithi nxa uhulumende engaqubeka engafuni ukukhulumisana lokudlelana lamazwe angentshonalanga lokuguqula ezinye inhlelo zakhe zezenotho, kakulalutho oluzafa lwalunga kunotho yakuleli. Ngakhoke uzulu uthi imali yakuleli izakwala isiwa amandla, i inflation layo ikhwela, okungabangela ukuthi umnyaka usiyaphela ibe sifike kubo 10 000 percent. UBabongile Dlamini usipha loludaba.

Kodwa ukuqonga kwayo i inflation kutsho ubunzima bempilo kuzisebenzi zelizwe,njengokuchasisa kuka Nkosazana Khumbulani Ndlovu isikhulumi senhlanganiso yezisebenzi i Zimbabwe Congress of Trade Unions, i ZCTU.

Kunjalo nje uMqondisi wenhlanganiso emela abezamabhizimisi i Affirmative Action Group i AAG esigabeni selemandebeleni, u Mnumzana Sam Ncube utshele u Brenda Moyo we Studio 7 ukuthi kodwa inengi labantu be Zimbabwe vele abakwazi ukuthi nxa kukhulunywa nge Inflation, kuyini okukhulunywa ngakho.

Ezinye Indaba Ze Studio 7..

XS
SM
MD
LG