Amasotsha eZimbabwe abhekane lendlala embi ezinkambeni zawo okokuthi kumaviki amalutshwana alandelayo kulakho ukusilela mpela. Le yimbiko ethulwe izolo ngunobhala wogatsha lwezomvikela, uMnumzana Trust Maphosa kukomidi yedale ebona ngezogatsha lolu.
UMaphosa uthi ibutho labelwa imali engamabhiliyoni angamatshumi amathathu lambili, ukuze lusebenzise ukuthenga ukudla okomnyaka wonke kodwa limali isiphelile.
UMaphosa utshele likomidi ukuthi ugatsha lwakhe selucele uhulumende ukuthi aphathise ngoba amasotsha engafa ngendlala nxa kungatholakalanga mali. Incwethi kwezombusazwe, uMnu George Mkhwananzi, uphe uChris Gande westudio seven imbono yakhe yokuthi kambe lokhu kungabe kusitshoni.