Uhlupho lokuswelakala kwamanzi lokhu luqhubeka edolobheni lako Bulawayo ngoba amadamu aletha amanzi edolobheni leli, agoqela uMzingwane, i Upper le Lower Ncema le Nyankuni awaselamanzi amanengi njalo izikotsho ze Nyamandlovu azikalungisiswa.
Umsekeli ka Mayor walelidolobho, uKhansila Nicholas Ncengani utshele uSithandekile Mhlanga weStudio 7 ukuthi uhlupho lolu lukhanya lubangelwa yikubhidlika komnotho welizwe ngoba kuswelakala imali yokwenza inhlelo ezitshiyeneyo ezingaletha amanzi kulelidolobho.