amalinks wokungena

Breaking News

Izakhamizi Ze Harare Zesabela Ukuqhamuka Kwemikhuhlane


Izakhamizi zedolobho le Harare zikhala ngokwehluleka ukuqhuba umsebenzi ngemfanelo kwe khomishini esaphethe umsebenzi kamanisipala wedolobho leli ekhokhelwa ngu Nkosikazi Sekesayi Makwavarara. Kubikwa ingcekeza igcwele indawana yonke, njalo impompi zamanzi lezengcekeza yezambuzi zihlala zidhubukile osokubangela ukungahlaliseki kwezakhamizi ezesabela ukuqhamuka kwemikhuhlane efana le Cholera.

U Mnumzana Rejoice Ngwenya ingcwethi kwezokubuswa kwezabelo utshele u Brenda Moyo we Studio 7 ukuthi i khomishini le ayisenelisi ukuqhuba umsebenzi wayo ngemfanelo ngoba ikwazi ukuthi ilakho ukukhutshwa esikhundleni ngokunqotshwa libandla le MDC, elilosekelo emadolobheni, ekhethweni lwezabelo oluzakwenziwa ngomnyaka ozayo.

Ezinye Indaba Ze Studio7..

XS
SM
MD
LG