Inhlanganiso ye WOZA ithi kuqakathekile ukuthi uMongameli Thabo Mbeki, owakhethwa ukuba ngumlamlankunzi phakathi kwebandla elibusayo ele ZANU PF, laphikisayo, azwe imbono yayo ngohlupho oluselizweni, hatshi eyamabandla la kuphela.
UMbeki ubikwa ephakathi kokukhulumisana lamacele womabili e MDC kanye le bandla le ZANU PF, ngenjongo yokulungisa ingxabangxoza eselizweni kwezombusazwe lenotho.
UNkosazana Magodonga Mahlangu utshele uSithandekile Mhlanga we studio7 ukuthi amabandla ezombusazwe aphatheke ngezinto ezihambelana lezombuso, ezingasizo ezihlupha abantu makhaza mihla lamalanga ezindlini zabo.
Kunjalo nje, ingcwethi ecubungula ezombusazwe, uMnu. Felix Mafa utshele u Sithandekile Mhlanga we studio 7 ukuthi amabandla ezombusazwe yiwo okumele akhulumisane lo Mongameli Mbeki, kuthi inhlanganiso ezizimeleyo zazise amabandla la imbono yazo kuphela.