amalinks wokungena

Breaking News

Ingcwethi Zombusazwe Zithi UMugabe Usedinga Ukudiliza Inkulumo Zokukhumisana Umlotha


Izolo u Mongameli Robert Mugabe ekhuluma phambi kwamapholisa asanda kuqeda izifundo enkambeni ye Morris Depot usole inkokheli yamacele omabili e MDC esithi isebenzisa udlakela ifuna ukugenqula umbuso wakhe. Laloba u Mnumzana Morgan Tsvangirai lo Mnumzana Arthur Mutambara belandule imibiko besithi abazange bahlangane lenhloko kahulumende wele Bhilithane u Mnumzana Tony Blair osekwethekeleleni kwele South Africa, u Mugabe uthe ababili laba babonane lo Blair ngoba belandela izifiso zabamhlophe ababasebenzelayo zokufuna ukumsusa esikhundleni.

Kodwa ingcwethi kwezombusazwe u Mnumzana Gorden Moyo umqondisi we Bulawayo Agenda uthi u Mugabe utsho lamazwi ngenhliziyo ebuhlungu ngoba yena engasenelisi ukukhulumisana lo Blair. U Moyo uthi inkulumo ka Mugabe le ngeyokufuna ukuphazamisa inkulumo zokukhumisana umlotha phakathi kwebandla lakhe lamacele e MDC eziqoqwa ngu Mongameli Thabo Mbeki wele South Africa.

Ezinye Indaba Ze Studio7..

XS
SM
MD
LG