amalinks wokungena

Breaking News

Umkhokheli Welinye Lamacele eMDC Wethuswa Yikuphila Okwenza Iziphepheli ZeZimbabwe ESouth Africa


Umkhokheli welinye lamacele eMDC uMnumnzana Morgan Tsvangirai uthi wethuswe kakhulu yisihluku locuku iziphepheli zeZimbabwe ezibanga kumakhulu ayisitshiya galolunye eziphila phansi kwalo, kwelinye ithempeli ezigcinwe kulo eJohannesburg.

Umkhosi wenjabulo uhlatshwe ngamakhulukhulu eziphepheli zeZimbabwe, ezivuswe kobukabhuka yikufika kukaMnumnzana Tsvangirai phakathi kwamabili, ezozibonela mathupha lokhu athe lulunya lukaMongameli Robert Mugabe.

OkaTsvangirai uthi kumethuse kakhulu ukuthola abantu belele esamendeni, emikotweni, emasitepisini beminyene okunga phezu komcabango. Uthi kuyadanisa kakhulu ukuthi abantu abebelamakhaya abo behlezi kuhle, sebephendulwe imihambuma leziboto nguhulumende weZimbabwe.

UTsvangirai ukhuthaze inhlanganiso ezinceda iziphepheli ukuthi zithumele uncedo lokudla lendawo yokuhlala ngokuphangisa.

UBenedict Nhlapho usipha loludaba ese South Africa.

Ezinye Indaba ngesiNdebele...

XS
SM
MD
LG