Imbadalo yotshova isiqonge njalo yayathi gwaqa kumadola azinkulungwane ezimgamatshumi amahlanu.
Kuqalisa kuviki edluleyo limbadalo ibingamadola azinkulungwane ezingamatshumi amabili.
Ukukhwela lokhu kukhangelelwe ukuqansa njalo kunsukwana ezinlutshwana ezilandelayo ngoba nanku intengo yamafutha ezimota layo ilokhu iqansa mihla ngemihla, kwamanye amalanga isikhwela kathathu ngelanga kulandela ukuwa kwesisindo semali yakuleli nxa iqathaniswa leyakwamanye amazwe.
Ukhansila wedolobha lakoBulawayo, uAlderman Charles Mpofu utshele uChris Gande westudio seven ukuthi ukukhwela kwezinto sekutshiye uzulu ethithibele.