amalinks wokungena

Breaking News

Inengi Libalekela Indlala Lisiya Kwamanye Amazwe


Udubo olwehlele uzulu weZimbabwe kulandela ukwethulwa komthetho wentengo osutshiye izitolo zibethwa ngumoya selubangele ukuqonga kwenani lababaleka eZimbabwe besiya emazweni angomakhelwane okungekho emthethweni.

Imbiko evela eSouth Africa ithi kusukela kwethulwa umthetho wentengo kumaviki amabili edluleyo, inani lababotshwa ngemva kokuzama ukungena kulelo lizwe okungekho emthethweni liqanse lisuka kwabangamakhulu ayisikhombisa kusiya kunkulungwane ezinhlanu.

Limbiko ithi kukhanya inengi lababalekela eSouth Africa lezinsuku bengababalekela indlala kodwa esikhathini esedluleyo abantu bebephelela eSouth Africa ngezizatho ezehlukeneyo ezigoqela ezombangazwe.

Kodwa isizalwane seZimbabwe uMnu. Daniel Molokela oligqwetha elilwela ilungelo likazulu, utshele uChris Gande westudio seven ukuthi eSouth Africa amadlelo kawaluhlaza njengalokhu okucatshangelwa yilabo ababalekela khona.

Ezinye indaba ze studio 7…

XS
SM
MD
LG