Isikhulumi sogatsha olubona ngokwenzakala elizweni iHome Affairs kwele South Africa, uMmnu. Jacky Mashapu sithi izizalwane zeZimbabwe ezichaphela kulelolizwe akumelanga zidinge ubuphepheli ngoba kungelampi kwele Zimbabwe.
UMashapu utshele istudio 7 ukuthi inhlanganiso ye United Nations High Commission for Refugees kulelolizwe ivumelana logatsha lwakhe kulo umbono, njalo luzaqhubeka lubuyisela abeZimbabwe abaselizweni lelo ngokungekho emthethweni emuva.
Kusenjalo, izizalwane zeZimbabwe ezihlala kwele South Africa, ezigoqela ezigcinwa ensontweni ye Methodist e Johannesburg zimanyane lenhlanganiso ezilwela amalungelo abantu zitshengisela e lamuhla, zisola ukuhlukuluzwa lokuxotshwa kulelolizwe.
Umgcinisihlalo we Zimbabwe Support Action Group uMnu. Remember Moyo uthi ukutshengisela lokhu kuphumelele okwamagama.