amalinks wokungena

Breaking News

Ibandla LeZanu PF Letheswa Umlandu Wokubamba Abantu Ngamandla Ukuya Emathuneni EHeroes' Acre


Izolo bekungasimuntu kuxokozela emathuneni eHeroes Acre kunanzwa amaqhawe alwela inkululeko yelizwe. Lanxa inkokheli yamacele eMDC omabili ikhalele ukuya emathuneni la esola amazwi avame ukwethulwa nguMongameli Mugabe kugcwele emathuneni la abanye baze bakhwela ezihlahleni ngokuswela indawo yona eyokuma nje kuphela.

Kodwa sekuvele imbiko ethi izakhamuzi zeKuwadzana leDzivarasekwa zitshaywe ngamsotsha lamapholisa zabanjwa ngamandla ukuthi ziye eHeores Acre ukuze kwengezelelwe inani labantu. Omela lindawo edaleni lephalamende, uMnumzana Nelson Chamisa utshele iStudio 7 ukuthi abantu laba batshaywe babanjwa ngamandla ukuthi bahambe ngenyawo eHeroes Acre.

Limbiko igcizelelwe nguNkosikazi Gertrude Kuudzewe, isiphathamandla senhlanganiso yezakhamizi zeHarare iCombined Harare Residents’ Association, iCHRA. Kulembiko njalo ethi abanye abantu kade begcwele emathuneni eheroes acre ngabathethwe emaphandleni. Omunye othi ubone lokhu kusenzakala nguNkosikazi Priscilla Misihairambwi Mushonga umsekelli kanobhala jikelele wecele leMDC elikhokhelwa nguMnumzana Arthur Mutambara kungxoxo ayenze loChris Gande weStudio 7.

Ezinye izindaba zeStudio 7 ...

XS
SM
MD
LG