Udubo lokusilela kwamanzi edolobheni lakoBulawayo lukhangelelwe ukuqhubekela phambilili ngamandla kulandela ukoma kwelinye njalo idamu uInyankuni.
Lokhu kwenzakala izakhamizi zedolobha leli zivele zithola amanzi empompini kathathu nje kuphela ngeviki. Umanisipala uthi kumalanga amalutshwana alandelayo uzehlisa njalo amalanga aphuma amanzi empompini ngenxa yokoma kukaNyankuni. Amanye amadamu abalisa iUpper lelLower Ncema loMzingwane sewavalwa ngoba kungaselamanzi.
UChris Gande weStudio 7 uxoxe lomgcinisihlalo wekhomidi yekhansili yakoBulawayo ebona ngendleko, uMnumzana Angilacala Ndlovu ngodaba lona lolu.