Umsekeli kamongameli welizwe, uMnu. Joseph Msika usekhuze umphathintambo obona ngokwabiwa kutsha komhlabathi, uMnu. Didymus Mutasa ngokupha abantu azikhethela bona incwadi zokuthi bethathe amapulazi kulokulandela okusemthethweni.
Ekhuluma, emhlanganweni eChinhoyi, uMsika ubikwa esithi abalokhu bejwamulela abelungu amapulazi, kabakuyekele lokhu, njalo usole abansundu ngokubulalana bebanga umhlabathi.
Lokhu kwenzakala umthethwandaba kamantshi eChegutu usuyalele abelungu abalitshumi ababotshelwe ukwala ukusuka emapulazini abo ngesikhathi abasiphiwe nguhulumende, ukuthi bese udaba lwabo kumthethwandaba we Supreme Court.
USithandekile Mhlanga we studio 7 uxoxe loMnu. Njabuliso Mguni, ohlala kukomiti ebona ngezokulima edale lephalamende, njalo emela i Lupane kulelidale ukuze sizwe imbono yakhe ngaloludaba.
