Uhulumende ubikwa esithi amapholisa asebophe abanini bamabhizimusi abedlula inkulungwane phose ezingamatshumi amathathu, i 27 103 abakhweza imbadalo ngokungekho emthetwheni, lokhu uhlelo lokwehliswa kwentengo lwaqalisayo ngonhlangula.
Umongameli Robert Mugabe ubikwa ekhethe igqwetha uMnu. Godwills Masimirembwa izolo ntambama, ukuthi abengumgcinisihlalo wekomidi ebona ngokuphathelene lentengo yezinto, i National Incomes and Pricing Commission.
Kodwa uMnu. Sam Siphepha Nkomo, usomabhizimusi wako Bulawayo, njalo eyisiphathamandla secele le MDC elikhokhelwa nguMnu. Morgan Tsvangirai utshele uSithandekile Mhlanga we studio 7 ukuthi kuyamangalisa ukuthi amapholisa abopha bani njengoba kungelazinto ezithengiswayo ezitolo zelizweni jikelele, ezingakhwezwa imbadalo.
