Umongameli Hifikepunye Pohamba we Namibia kanye lowe Angola, u Jose Eduardo dos Santos obevakatshele ilizwe lakhe izolo lakuthange, bethule umbiko osola amazwe aphetsheya ngokwethulela eleZimbabwe izijeziso zenotho.
Omangameli laba bathi izijeziso lezi kumele zikhutshwe ngokuphangisa ngoba azikho emthetwheni njalo zimbi nanko phela zibangela ukuhlupheka kwabantu elizweni.
Baphinde njalo babuka inkulumo ezikhokhelwa ngumongameli Thabo Mbeki besithi zilakho ukuletha ukuthula elizweni.
Kodwa ingcwethi ecubungula ezombusazwe, uMnu. Daniel Molokele utshele uSithandekile Mhlanga we studio 7 ukuthi o Dos Santos lo Pohamba balahlekile lapha ngoba izijeziso ezethulelwa eleZimbabwe asizo zenotho.