amalinks wokungena

Breaking News

Kutshaywa Amalunga Edale Lephalamende Emhlanganweni Wecele LeMDC


Kubikwa kuqhamuke udlakela ngemva komhlangano obubizwe ngumkhokheli wecele leMDC uMnu. Morgan Tsvangirai izolo emahofisini alelibandla, iHarvest house. UTsvangirai ubikwa ebize umhlangano lamalunga edale lephalamende awecele lakhe lapho abikwa ubesidla amahubula esithi kulabanye abafuna ukumgengqula esikhundleni.

Lokhu kwenzakala ngesikhathi kulokuxabana kulelicele ngodaba lokucithwa kohlangothi lwabesifazane, iWomen’s Assembly. Umhlangano wayizolo ubikwa ungancedanga lutho ngoba bekulokufuthelana okukhulu okuphethe kutshaywa amalunga edale lephlamende, abaMnumzana Emmanuel Chisvuure omela iBudiriro lo Amos Chibaya omela iGweru. Ababili laba babikwa bebhaxabulwe ngabasakhulayo balelibandla abasekela osanda khethwa ukukhokhela iWomen’s Assembly, uNkosazana Theresa Makone.

UChisvuure utshele iStudio 7 ukuthi utshayelwe iqiniso ngoba ubesola ukwetshulwa kwesisekelo okwenziwayo kuze kudilizwe uhlangothi lwamakhosikazi. Icele leli libikwa selibize umhlangano wenkokheli iNational Executive, ngoMgqibelo lapho okubikwa kuzahlafunwa udaba lwe Women’s Assembly kunye lezinye. Isikhulumi salelicele, uMnu. Nelson Chamisa utshele iStudio 7 ukuthi lumhlangano ulungisise ingxabangxoza esezisesabela ukuthi zingadabula lelicele.

UChris Gande weStudio 7 uxoxe lelunga lohlangothi lwe Women’s Assembly eyadilizwayo, uNkosikazi Sekai Holland ukuze sizwe imbono yakhe ngaloludaba.

Ezinye izindaba zeStudio 7 …

XS
SM
MD
LG