amalinks wokungena

Breaking News

Umongameli Mugabe Sesayinile uAmmendment No. 18 Ukuthi Ubengumthetho


Umongameli Robert Mugabe sesayinile uAmmendment # 18 ukuze abe ngumthetho opheleleyo. Imbiko ephume lamuhla ithi uMugabe wenze lokhu ngolweSibili liviki njalo lumthetho uhle waqala ukusebenza.

IZanu PF leMDC zivumelene ngalumthetho kunyanga edluleyo, lokhu okwenze uzulu wasola ibandla eliphikisayo esithi selithengisile kuZanu PF. Lumthetho ubamba into ezinengi ezigoqela ukwenziwa kokhetho kanye kanye, lokuthathela umongameli amandla okukhetha amanye amalunga edale lephalamende.

Wengezelela njalo izihlalo zephalamende zisuka ku150 zisiya ku 210 kuthi ezedale leSenate lazo zisuka ku 66 zisiya ku 93. Kuzakuba njalo lekomishini ekhangelane lokulondolozwa kwamalungelo oluntu ethiwa yi Zimbabwe Human Rights Commission kuthi umsebenzi owokuqoqa ama constituencies usususiwe kuzandla ze Delimitation Commission njalo suzakwenziwa yi Zimbabwe Electoral Commission.

Sibelengxoxo lomeli weNkayi edaleni lephalamende njalo engumsekeli wesikhulumi seMDC ekhokhelwa ngusikhwicamfundo Arthur Mutambara uMnu Abednico Bhebhe ochasisa okunengi ngalumthetho.

Ezinye Indaba ZeStudio 7...

XS
SM
MD
LG